Zbardhet skema se si u vra i riu shqiptar në Itali nga një pensionist.
Francesco Sicignano, 65 vjeç është vënë në pranga dhe është nën hetim për vrasje me dashje.
Ndërkohë “Corriere della Sera” ka zbardhur me skemë ilustruese se si ka ndodhur ngjarja. Sipas hetimeve, dyshohet se kanë qenë 3 persona që kishin shkuar për të vjedhur, por njëri prej tyre ka hyrë brenda, viktima, ndërsa dy të tjerët kanë qëndruar jashtë duke pritur.
Policia thotë se shqiptari kishte një listë të gjatë precedentësh penalë, që kishin sjellë edhe përjashtimin e tij nga Italia.
Por në fakt, ai nuk kishte ikur ndonjëherë, duke gjetur dhe vdekjen mbrëmjen e djeshme.
Nga autopsia është mësuar se, 22-vjeçari shqiptar, emri i të cilit nuk është bërë i ditur, është qëlluar me një plumb në zemër nga pensionisti italian.
