Policia arrestoi sot autorin e dyshuar të vrasjes së Valmir Kolaverit dhe plagosjes së kushëririt të tij Robert Kolaveri, një ngjarje e ndodhur në 4 nëntor të këtij viti në një lokal në zonën e Bathores.
I arrestuari është Elson Daci.
Ai u gjet në një hotel në autostrdën Tiranë-Durrës. Prej më shumë se dy muajsh ai arriti t’i fshihej policisë, që e shpalli në kërkim.
Sipas policisë, autori dhe viktima kanë qenë pjesë e një grupi që trafikonte njerëz drejt Anglisë.
Shkak i ngjarjes u bënë mosmarrëveshjet për këtë aktivitet.
Dacit iu gjet me vete edhe një pistoletë që dyshohet të jetë arma e krimit./Tv Klan