Më 10 nëntor Prokuroria do të japë pretencën për akuzën që ka ngritur ndaj deputetit të PD-së, Astrit Veliaj, për “shkatërrim prone”.
Organi i akuzës ka përfunduar hetimet dhe e dorëzoi dosjen penale ndaj tij në Gjykatën e Lartë.
Prokuroria pretendon se deputeti Astrit Veliaj, në cilësinë e subjektit “Ufo”, pasi ka shkatërruar godinën e ishDrejtorisë së Policisë së Fierit në pronësi të Ministrisë së Brendshme, ka ndërtuar pa leje nga Bashkia e Fierit, një godinë për qëllime universitare.
Pak kohë më parë Gjykata e Lartë pushoi çështjen ndaj Veliajt për akuzën “ndërtim i paligjshëm”.
Deputeti demokrat u kallëzua nga organi i akuzës në të njëjtën kohë me deputetët socialistë, Arben Ndoka dhe Pjerin Ndreu, të cilët goditën kolegun Gent Strazimiri.