Kapen 880 kilogramë kanabis sativa dhe në pranga janë vënë 4 persona.
Policia e Korçës ka bërë të ditur se, të arrestuarit janë vënë në pranga gjatë operacionit të koduar “Prita”.
Aksioni është bërë nga strukturat e Sektorit për Narkotikët dhe Trafiqet, në Drejtorinë e Policisë Qarku Korçë, u finalizua me sukses, operacioni “Prita”.
Si rezultat i kësaj pune, në afërsi të fshatit Dushar, Bashkia Maliq-Korçë, u sekuestruan: 880 kg lëndë narkotike e dyshuar kanabis sativa, sasi kjo e ambalazhuar në 30 thasë me material sintetik në ngjyrë të bardhë, si dhe disa bimë narkotike kanabis të kultivuara.
Gjithashtu, si rezultat i këtij operacioni u arrestuan edhe:
Mario Voda, 33 vjeç, banues në Pojan – Korçë.
Skënder Nakoleci, 41 vjeç, banues në Sheqeras – Korçë.
Bledar Emini, 34 vjeç banues në Bulgarec – Korçë.
Marsel Bakollari, 22 vjeç banues në Dushar – Korçë.
Në cilësinë e provës materiale, janë sekuestruar:
880 kg lëndë narkotike e dyshuar Cannabis Sattiva.
Një numër i konsiderueshëm bimësh narkotike kanabis sativa të kultivuara.
2 automjete si edhe 3 aparate telefonik celularë.
Bimët narkotike të gjetura në 30 thasë, u asgjësuan me djegie, në afërsi të vendit të ngjarjes dhe një pjesë e tyre, u morën në cilësinë e provës materiale.
