Në kuadër të operacionit të përbashkët “EVAZIONI”, nga Sektori për Hetimin e Krimit Ekonomik e Financiar në Drejtorinë Vendore tê Policisë Fier në bashkëpunim me Hetimin Doganor të Drejtorisë së Përgjithshme të Doganave Tiranë dhe Hetimin Tatimor Fier, u bë i mundur ndalimi i administratorit të një subjekti, shtetasi: Xhemil H., 52 vjeç, banues në Ballsh, me aktivitet në fushën e hidrokarbureve.
Ndalimi i tij u bë pasi gjatë kontrollit të ushtruar në ambientet e firmës së tij, u gjet e depozituar një sasi prej 106 mijë litra naftë bruto e pa deklaruar ne organin doganor.
Ky shtetas ka shmangur kështu detyrimet doganore e tatimore në shumën prej 50 milion lekë.
Materialet procedurale i kaluan Prokurorisë së Rrethit Gjyqësor Fier për veprat penale “Kontrabandë me mallra që paguhet akcizë” dhe “Fshehje e të ardhurave”.