Gjykata e Durrësit ka dhënë masën arrest me burg për një nga dy grabitësit e një banke të nivelit të dytë, ditën e mërkurë.
Alban Duka ka pranuar se në bashkëpunim ka marrë 35 mijë euro nga një bankë në Durrës.
Ai ka shpjeguar se është detyruar nga borxhet e shumta që kishte për shkak të lënies së parave në bixhoz, dhe kërcënimit me jetë që i vinin nga pronarët e këtyre lojërave.
Alban Duka u neutralizua nga një roje private në momentin që tentoi të largohej me shumën e parave të grabitur nga banka.
Ndërkohë bashkëpunëtori i Dukës, 41-vjeçari me iniciale G.K u arrestua në Tiranë nga policia e kryeqytetit./Ora