Pasi prej muajsh aksioni rehabilitues dhe mirëmbajtës i bashkisë së Tiranës është përqëndruar në njësinë numër 5 ku jeton edhe vetë kryebashkiaku Erion Veliaj, konkretisht te “Kodra e Diellit”, tashmë punimet jasntë zhvendosur menjëherë edhe në zonën ku jeton kryeministri Edi Rama, i cili është vetëquajtur si “katundar Surreli”, duke e patur fjalën për lagjen e re ku banon, rrëzë malit të Dajtit, nga ku Tirana shihet si në ballkon.
Ka qenë vetë kryebashkiaku që e njoftonte një gjë të tillë në profilin e tij në Facebook sot.
“Banorët e ‘Kinostudios’, ‘IKV-së’, ‘Freskut’, ‘Dajtit’, ‘Priskës’, ‘Surrelit’ me rrugë të re. Rruga e Dajtit me elemente sigurie, ndriçim, kullim, vende për mbledhjen e mbeturinave, stacionet e autobusit etj. Na ndihmoni ta ruajmë nga abuzimet. #TiranaNePUne”, – shkruante Erion Veliaj.