Janë rikthyer atentatet me tritol në kryeqytet.
Një sasi rreth 600 gram lënde shpërthyese u gjet mëngjesin e sotëm poshtë automjetit tip Fiat, i cili ishte marre me qera nga shtetasi Ervis Imeri, 31 vjeç nga Tepelena.
Ai kishte kontatuar pakon e dyshimtë pranë prapakolpit në automjetin e parkuar në Rrugën e Qelqit në Kombinat.
Në vendngjarje mbërritën menjëherë policia dhe njesia antieksploziv e RENEA-s, e cila ka bërë çaktivizimin e lëndës shpërthyese.
Ajo ishte e ndarë në 3 kallëpë të lidhur me një kapsollë detonatore si dhe me dy bateri 9 volt me paketën elektronike.
Policia tha se po punon për zbardhjen e ngjarjes./Klan