Goditet një rast i trafikimit ndërkombëtar i lëndëve narkotike.
Efektivët e Policisë Kufitare të Kapshticës, në bashkëpunim me Specialistët e Seksionit kundër Narkotikëve kanë bërë arrestimin në flagrancë të shtetasit 46 vjeç, banues në Tiranë.
Arrestimi i tij u bë pasi, gjatë kontrollit të ushtruar nga policia kufitare, ndërsa po udhëtonte drejt Greqisë, iu gjetën në kamionin e tij, ngjyrë i bardhë me targa AA 839 HZ, 50 pako me lëndë të dyshuar si narkotike mariuanë , të mbështjella me natriban të zi, me një peshë totale prej 200 kg.
Sipas policisë, secila nga pakot kishte një peshë prej 4 – 4.5 kg.
Materialet i kaluan Prokurorisë të Krimeve të Rënda Tiranë , për veprën penale “Trafik ndërkombëtar i lëndëve narkotike”./Ora