Dy aksidente të ndryshme me dy viktima janë shënuar sot në rrugët e vendit.
Sipas informacioneve që vijnë nga policia, në autostradën Tiranë-Durës, në vendin e quajtur “Mbikalimi i serave” afër Shënavlashit, dy kamionë kanë aksidentuar për vdekje një këmbësore, ende të paidentifikuar.
Një tjetër aksident me pasojë një të vdekur ka ndodhur në aksin Vlorë-Fier.
Viktima është 31-vjeçarja Mirjana Cani. Ajo drejtonte makinën tip “Peugeot”, e cila u përplas me një tjetër makinë tip “Range Rover”.
Të plagosur mbetën edhe dy persona që udhëtonin me “Range Rover”. Policia ka nisur hetimet për të dy rastet.