Një hajdut profesionist, Edison Sula, 25 vjeç, banues në Tiranë, është arrestuar nga policia ndërkohë që edhe më parë ishte dënuar për vjedhje.
Ai dyshohet të jetë autor i vjedhjes së banesës së shtetases J. K. më datë 06.09.2016, ku janë marrë disa bizhuteri dhe një shumë monetare. Gjithashtu, ai ka pranuar tek specialistët e Komisariatit të Policisë Nr 5, autorsinë e disa vjedhjeve të tjera.
Ja lista e vjedhjeve:
Më datë 17.08.2016, është vjedhur banesa e shtetasit B. L.
Më datë 29.02.2016, është vjedhur një qendër shëndetësore në Kamëz.
Më datë 28.03.2016, është vjedhur lokali i shtetasit A. M.
Më datë 07.05.2016, është vjedhur dyqani i shtetasit U. U.
Më datë 31.07.2016, është tentuar të vidhet banesa e shtetasit A. M.
Më datë 05.09.2016, është tentuar të vidhet banesa e shtetasit N. B.