Një ngjarje e rëndë ka ndodhur këtë pasdite në një familje në kryeqytet. Një burrë mësohet se ka mbytur gruan e tij dhe më pas ka telefonuar policinë për ndihmë.
Efektivët kanë mbërritur në vendngjarje duke arrestuar autorin e krimit, shtetasin Shkëlqim Disha.
Ky i fundit ka vrarë bashkëshorten e tij, Resmie Disha, 31 vjeç, nga Librazhdi.
Policia e kryeqytetit ka zbardhur detajet e vrasjes së në fshatin Shëngjergj.
Mësohet se shtetasi Shkëlqim Disha e ka mbytur gruan me rripin e pantallonave, pas një konflikti për motive xhelozie.
Menjëherë pas krimit, ai ka kërkuar ndihmë në polici për ta shpëtuar gruan, Resmie Disha. Ndërkohë, çifti Disha kanë dy fëmijë të mitur./Sot
