Kontrolli i Lartë i Shtetit ka kallëzuar penalisht tre zyrtarë të Ministrisë së Arsimit dhe Sportit.
Sipas KLSH këta persona i kanë shkaktuar 108 milionë lekë dëme buxhetit të shtetit.
KLSH kallëzoi Plarent Ndrecën, sekretar i përgjithshëm në MAS, si dhe dy funksionarë të tjerë.
Ata vlerësohen si përgjegjës për bllokimin e doktoraturave në Universitetet shtetërore.
Sipas KLSH ata kanë kryer shkelje në procedurat e prokurimit.
Auditimi për rastin në fjalë është kryer në periudhën 16 shtator 2013-31 dhjetor 2014, saktësohet më tej në njoftimin për shtyp të KLSH-së.