Një aksident rrugor me pasojë vdekjen e një këmbësori ka ndodhur dje rreth orës 23:30, në fshatin Bitinckë të Devollit.
Policia ka arrestuar 24-vjeçarin Skerdilian Spahi, i cili, duke drejtuar automjetin tip Volkswagen me targa AA984DR, ka aksidentuar shtetasin me iniciale K.M, rreth 38 vjeç dhe më pas është larguar nga vendi i ngjarjes.
Nga të dhënat paraprake dyshohet se viktima mund të jetë një endacak nga fshati Çërravë i Pogradecit.