Kjo është anija e nisur nga Durrësi që do të transportonte çimento në Libi, por që u ndalua dy ditë më parë në Greqi pasi dyshohej se trafikonte armë apo dhe drogë.
Ka qenë një informacion i Inteligjencës franceze, të cilët njoftuan autoritetet në Greqi për këtë anije të nisur nga Shqipëria.
Roja Bregdetare e Greqisë ndaloi varkën duke e shoqëruar në njërin prej porteve të saj për ta kontrolluar.
Në pamjet e mëposhtme është anija e nisur nga Durrësi, e cila po kontrollohet nga forcat speciale greke dhe qentë zbulues. Deri tani nuk është raportuar nëse në anije është gjetur ndonjë ngarkesë e dyshimtë.