Pas denoncimit të bërë nga ish-kryeministri Sali Berisha, policia e Tiranës ka shoqëruar por më pas edhe ka arrestuar mbrëmjen e së shtunës në Drejtorinë e Policisë, shtetasin Emiljano Shullazi.
Sipas ish-kryeministrit, ai ka karëcënuar kandidatët për rektor të Universitetit të Tiranës, Dhori Kule dhe Mynyr Koni.
Këta të dy kanë bërë denoncim në polici.
Dihen pak detaje për shoqërimin e Shullazit, por mësohet se ai është shoqëruar për t’u pyetur për ngjarjen.
Ai do të merret në pyetje në lidhje me denoncimin e Berishës për kërcënimin e Konit. Policia mësohet se ka ushtruar kontroll edhe në banesën e Shullazit, në kohën kur ai ishte duke u shoqëruar për në polici.
Forca të shumta policie kishin blinduar zonën e ish-parkut dhe rrugën e Kavajës ku edhe jeton Shullazi. Burime policore thanë se, kontrolle janë duke u ushtruar edhe në banesat e miqve e shokëve të Shullazit.
